Resumen

Todos estamos convencidos de que para mellorar a competencia matemática, os nosos alumnos e alumnas necesitan ter unha boa competencia lingüística, e unha das maneiras máis efectivas de logralo, senón a única, é a través da lectura. Polo tanto, consideramos importante facilitar entre todos unha selecci´on de lecturas que orienten aos compañeiros e compañeiras nesa faceta da educación matemática. Por esta razón mantense esta sección, xa clásica, na nosa revista, con dous obxectivos principais: que sirva de solaz para o profesorado e tamén de información, co fin de facilitarlles aos seus alumnos e alumnas títulos que lles poidan axudar na aventura de descubrir o apaixonante mundo das matemáticas desde visións diferentes aos libros de texto ou dos apuntes das clases. En calquera caso, sempre serán un complemento educativo para a súa formación persoal en xeral e non só matemática.